جشنواره فرهنگ بومی مردم کاپیسا به اشتراک مقامات دولتی ،شعرا ، نویسنده گان ، نوازنده گان وهنرمندان درآن ولایت تدویرگردید.
این جشنواره که ازطرف ریاست اطلاعات وفرهنگ تدویر گردیده بود در آن مقامات دولتی، شعرا، نویسندگان، نقاشان، هنرمندان، نوازنده گان وسفالگران شرکت نموده وهرکدام به نوبه خود دست آورد هنری خویش را به منظور معرفی فرهنگ بومی کاپیسا ، به معرفی گرفتند.
جنرال محراب الدین"صافی"والی ولایت کاپیسا محمد افسر"رهبین" ریئس فرهنگ مردم وزارت اطلاعات وفرهنگ ، محمدابراهیم"ازهر"معین وزارت مبارزه بامواد مخدر ودیگر سخنرانان این جشن واره پیرامون فرهنگ بومی واصیل مردم کاپیسا صحبت نموده مفهوم واقعی فرهنگ بومی را داشته های فرهنگی و تاریخ کاپیسای از یاد نرفتنی عنوان نمودند .
محمد افسر رهبین رئیس فرهنگ مردم وزارت اطلاعات و فرهنگ ضمن ایراد سخن پیام دکتور سید مخدوم رهین وزیر اطلاعات و فرهنگ کشور را به خوانش گرفته که در قسمتی از پیام آمده است " جای بسا خوشبختی است که مردم ولایت کاپیسا هنر بومی خویش را که مظهر فرهنگ درخشان کاپیسای تاریخی است جشن میگیرند .
در پایان پروگرام هنرمندان نیز هنر نمایی کرده دستآورد خویش را به نمایش گذاشتند .