به اساس فرمان شماره 45 ریاست جمهوری ، وزیر اقتصاد کشور به ولایت کاپیسا سفر نموده ضمن باز دید از فعالیت های واحد دومی خویش از پروژه های زیربنایی واقتصادی آنولایت دیدن نمود .
جهت تطبیق فرمان شماره 45 ریاست جمهوری عبدالهادی ارغندیوال وزیر اقتصاد کشور به ولایت کاپیسا سفر نموده ضمن ملاقات با مقامات اینولایت فعالیت های واحد دومی آن وزارت را در راستای رشد وانکشاف، زراعت ،صنعت ، وپروژ های اقتصادی به بررسی گرفته گفت زمانی مامیتوانیم به پای خود بایستیم که به زراعت وصنعت خود توجه کرده با وحدت ملی بجای تورید تولید داشته باشیم .
جنرال محراب الدین صافی والی ولایت کاپیسا و محمد حسین سنجی رئیس شورای ولایتی از توجه خاص وزارت اقتصاد کشور نسبت به این ولایت شان قدردانی نموده فعالیت های آن وزارت را در راستای توانمندی مردم موثر خوانده خواستار توجه بیشتر آن وزارت به ولایت کاپیسا شدند .
عبدالهادی ارغندیوال وزیر اقتصاد کشور تلاش های بی دریغ مقامات و مردم کاپیسا به خاطر تامئین امنیت ،بازسازی ،رشد زراعت،عرضه موثر خدمات صحی و معارف باکیفیت به نیکویی ستوده از مردم و حکومت محلی ولایت کاپیسا خواست تا بیشتر از پیش به خاطر استفاده سالم از منابع طبیعی وصنعتی سازی کشور وولایت شان تلاش پی گیرنمایند.